越南之旅🇻🇳完滿結束，過左繁忙既暑假，終於有時間同大家分享下
大家都玩得好開心，曬到紅卜卜，黑忟忟👦🏾一路以黎因爲越南要簽證，覺得有點煩，所以無打算去，今次去完蜆港發覺呢個地方都好適合一家大細去親子遊，係酒店享受陽光與海灘，機程只需一小時四十分鐘，消費指數低，有幾間餐廳極力推薦，食物質素好高，我家大隻爸爸食量驚人，每人一百蚊多d已經食到飽飽。
雖然我地好多時間都留係酒店游水同沙灘玩🏖️，我地都去左被國家地理雜誌評為人生必去的50個景點之一既巴拿山，位於海拔1400米高既空中走廊Golden Bridge(巨手），真係好震撼，好壯觀，順帶一提，上到咁高涼涼地架，帶定件外套。
仲有美溪海灘，水清沙幼，被福布斯雜誌評為世界六大最美麗的海灘之一，真係好值得一去。
交通方面：我地點到點搭的士，好安全
語言方面：主要用越南話，係酒店用英文溝通係無問題既，外面就唔係太溝通到，不過加埋身體語言🕺🏻👌🏻👌🏻
貨幣方面：我地係用美金換越南盾
如果大家有興趣知道更多關於簽證同行程安排就留言比我啦，我整理好再pm各位😉
#越南
#峴港
#親子遊
Search